ᐊᐅᔪᐃᑦᑐᖅ

ᐃᓄᑦᑕᖏᑦ : 134

ᐃᑳᖓᓂᖓ: 76° 25’ 00” N
ᑐᑭᒧᐊᓐᓂᖓ: 82° 54’ 00” W

ᓯᓚᖓᑕ ᐅᕐᖂᓂᕆᒍᓪᓗᓲᖓ ᐊᐅᒡᒍᓯᒥ: 1,4°C
ᓯᓚᖓᑕ ᓂᓪᓕᓇᕐᓂᕆᒍᓪᓗᓲᖓ ᔭᓄᐊᕆᒥ:-28,9°C

ᒦᑲ ᑭᒍᒃᑕᒃ – ᓯᕗᓕᕐᑎ ᐊᐅᔪᐃᑦᑐᒥ – (2012)

“ᓄᓇᓯᒪᕗᒍᑦ ᐅᒥᒻᒪᑦ ᓄᓈᑦ ᕿᑭᕐᑕᖓᑕ ᓯᕿᓂᖓᓂ ᑲᓇᑕᓕᒫᒥᓗ ᖁᑦᓯᑐᒦᓐᓂᐸᐅᑦᓱᑕ ᓄᓇᓕᐅᑦᓱᑕ. ᓄᓇᓕᐊᕉᑦᓱᑕ ᐱᔭᑦᓴᕆᑦᑑᕗᒍᑦ. ᑭᓇᓕᒫᒃᑯᑦ ᐱᔭᑦᓴᖃᐃᓐᓇᓕᒫᕐᕙᓗᑦᑐᑦ, ᑖᕐᑐᓯᐅᕐᓇᓕᕋᓗᐊᕐᒪᑦ. ᓱᓇᑐᐃᓐᓇᐃᑦ ᖃᓄᐃᑦᑐᑐᐃᓐᓇᐃᑦ ᐸᕐᓇᑕᐅᒪᔪᑦ ᐃᖏᕐᕋᑎᑕᐅᓕᕐᒪᑕ. ᕿᒥᕐᕈᐊᓕᐅᕐᓃᑦ, ᖃᒧᓯᐅᕐᓃᑦ, ᐅᓈᓕᐅᕐᓃᑦ, ᓂᕿᑦᓯᐊᓂᒃ ᐃᓕᓐᓂᐊᓃᑦ, ᕿᕕᐅᓕᐅᕐᓃᑦ, ᒪᖃᐃᓐᓂᖅ, (…) ᐅᐱᕐᖓᓴᕐᒪᓗ ᑭᓇᓕᒫᒃᑯᑦ ᐊᓃᓲᑦ. ᐃᖃᓪᓕᐊᓱᑎᓘᓐᓃᑦ, ᐊᐅᓪᓛᓯᒪᑦᓱᑎᓘᓐᓂᑦ, ᕿᒥᕐᕈᒋᐊᑐᐃᓐᓇᓱᑎᓘᓐᓃᑦ, ᐳᐃᔨᓯᐅᕐᑐᓗ, ᑐᑦᑐᓯᐅᕐᑐᓗ, ᑕᐃᒪᐃᓘᓲᖑᔪᒍᑦ ᐊᐅᔭᒥ. ᐱᐅᓯᑐᖃᑦᑎᓂ ᐊᑐᕐᑐᒪᕆᐅᕗᒍᑦ ᐊᓐᓇᐅᒪᒍᑎᒋᑦᓱᒍ ᑕᒫᓂ. ᐊᓐᓇᐅᒪᒐᓱᐊᕈᑎᖃᕈᑦᑕ ᑯᐊᐸᐅᑉ ᓂᕿᖏᓐᓄᑦ ᓂᕿᑐᖃᑦᓴᔭᑦᑎᑐᑦ, ᓱᒐᔭᖕᖏᓚᒍᑦ. ᓂᕿᑐᖃᑦᓴᔭᑦᑎᓂᒃ ᑕᑎᖃᓪᓚᕆᒃᑯᒍᑦ. ᓂᕿᓪᓚᕆᕙᓪᓗᕗᑦ ᐳᐃᔨᕕᓂᖅ, ᓇᓄᕕᓂᖅ, ᒪᑦᑕᓗ, ᐃᖃᓗᒃ, ᒪᓕᑦᓱᒋᑦ ᐊᕐᕌᒎᑉ ᓯᓚᖓᑕ ᓇᓃᓐᓂᖓ.½ (ᐊᑐᐊᕐᓯᒋᐊᓪᓚᕆᑦ) ᒪᓐᓇ ᐅᖃᐅᓯᕆᒋᐊᖃᕐᑐᕆᒻᒥᔭᕋ ᐃᓄᐃᑦ ᐊᓪᓚᖑᐊᑐᐊᕋᒥᒃ, ᐆᒪᔪᒻᒪᕆᑐᐊᕋᒥᒃ ᑐᑦᑐᓂᒃ, ᐅᒥᒻᒪᓂᒃ, ᑕᐃᒪᐃᑦᑐᒐᓚᓐᓂᒃ, ᐊᕕᖃᑎᖃᓲᖑᕗᒍᑦ. ᑭᓇᓕᒫᒃᑯᑦ ᓂᕿᑖᖃᑕᐅᒍᓐᓇᓲᑦ. ᐱᐅᓂᖓ ᓄᓇᓕᑦᑕ ᐱᑐᑦᓯᒪᐅᑎᑦᓯᐊᕋᑦᑕ, ᐃᓚᒌᑎᑐᑦ. ᓇᒻᒥᓂᖅ, ᓄᓇᕕᓂᕐᒧᑦ ᓅᑕᕕᓃᑦ ᓄᓇᕕᓂᖓᓄᑦ ᐊᐃᑐᐊᕋᒪ, ᐃᓗᕕᕐᓂᓗ ᑕᑯᒐᒪ, ᐋᓐᓂᓲᖑᖏᓐᓇᖁᖓ. ᐃᓱᒪᖕᖑᐊᕈᓐᓇᖁᖓ ᖃᓄᐃᑦᑐᕕᓂᐅᒻᒪᖔᑦ ᐊᐅᔭ ᐊᓂᒍᓕᕐᑎᓗᒍ ᕿᐅᔭᓇᕐᓯᕙᓪᓕᐊᓕᕐᑎᓗᒍ. ᖃᓄᐊᓗ ᐃᓅᕕᑦᓴᐅᓂᕆᐊᖓ ᖃᐅᔨᒪᖕᖏᑐᖓ ᑭᓯᐊᓂ ᐊᓐᓇᑐᕕᓃᑦ. ᐊᑦᓱᕉᓪᓚᕈᑎᒋᓲᕗᑦ ᑕᒫᓂ ᐊᐅᔪᐃᑦᑐᒥ ᓄᓇᓕᐊᕈᐸᐅᔮᓘᓂᕗᑦ, ᐅᐸᐅᑎᑲᓪᓚᖃᔭᕐᓇᕋᓂ, ᐃᓅᕕᒋᒋᐊᖓᓗ ᐊᑭᑐᔪᐊᓘᑦᓱᓂ ᖃᖓᑦᑕᐅᑏᓪᓗ (…) ᐊᑭᑐᓗᐊᕐᑐᖅ ᐊᐅᓪᓚᕋᓱᒋᐊᖅ.”

ᕋᓂᑕᕇᖑᕗᒍᑦ ᓄᓇᕐᖃᑎᒌᑦᓱᑕ, ᐱᑐᑦᓯᒪᖃᑎᒌᑦᑐᕋᑕᐅᕗᒍᑦ, ᐃᑲᔪᕐᑎᒌᑦᓯᑎᐅᑦᓱᑕ. ᑕᐃᒪᐃᓐᓂᖅ ᖃᓄᐃᖕᖏᓯᐊᕐᓂᐅᕗᖅ. ᑎᒥᒃᑯᑦ, ᐊᓂᕐᓂᑯᑦ, ᐃᓱᒪᒃᑯᓗ ᖃᓄᐃᖕᖏᓯᐊᕐᑐᖃᕆᐊᖃᕐᖁᖅ ᑕᒫᓂᒥᐅᖑᒍᒪᔪᖃᕈᓂ. ᐊᖏᕐᓯᒪᑦᓯᐊᕆᐊᓕᒃ ᑖᕐᑑᓲᖑᓂᖓᓂ ᐅᑭᐅᖑᓕᕐᒪᑦ ᐱᓗᐊᕐᑐᒥ. ᕿᐅᔭᓇᕐᓱᓂ, ᐃᓚᖓᓂᓗ ᑕᕐᕿᕙᓗᒍᓐᓇᐃᒪᑦ ᓯᓚ ᑖᕐᑑᐸᐅᔮᓘᓲᖅ.

ᐊᐅᓱᐃᑦᑐᕐᒥᐅᑦ

ᐊᐅᓚᔫᒥ ᑕᐃᔭᐅᔪᒥ ᐊᐅᓱᐃᑦᑐᕐᒥᐅᑦ, ᐹᓖᓐ ᐊᑭᐊᒍᒃ, ᐊᕐᓇᕈᓗᖕᖑᐊᖅ ᐊᐅᓪᓚᓗᒃ, ᑭᕆᔅᑏᓐ ᐅᐊᑦᔅᑰᓗ ᐃᕐᖃᐃᑎᑦᓯᕗᑦ ᐱᐊᕋᐅᓂᕕᓂᕆᔭᕐᓂᒃ ᑕᑯᑎᑦᓯᓱᑎᓪᓗ ᑕᑯᒥᓇᕐᓂᔪᐊᖓᓂᒃ ᓄᓇᓕᒻᒥᑕ. ᐱᕈᕐᓴᓱᓂ ᐊᐅᓱᐃᑦᑐᒥ ᐱᙳᐊᕕᒻᒥ ᓯᓚᒥ ᐊᖏᔪᒥ ᐱᕈᕐᓴᑑᔭᕐᓇᑐᖅ, ᓇᓂᑐᐃᓐᓇᑎᑐᓪᓗ ᓄᓇᕐᔪᐊᒥ, ᐊᓕᐊᓇᕐᑐᖅ ᐊᑦᔨᖃᙱᓚᖅ ᐃᔨᖃᑦᑕᐅᑎᑦᓱᓂ!