ᐱᓗᐳᓯ ᓄᖕᖓᖅ

ᑕᑯᓐᓇᓂᖅ ᐱᒋᐊᕕᖓᓂᑦ | ᑕᑯᓐᓇᓂᖅ ᑐᖓᓕᖓᓂᑦ
ᐊᓪᓚᓯᒪᔪᓂᑦ ᖃᕆᑕᐅᔭᒧᑦ ᑐᕐᖁᐃᕕᒃ

1955-ᒥ ᓯᑕᒪᓂᑦ ᐅᑭᐅᖃᕐᓱᓂ ᐱᓗᐳᓯ ᓄᖕᖓᖅ ᐊᖓᔪᕐᖃᒋᓪᓗ ᓅᑕᐅᓚᐅᕐᓯᒪᕗᑦ, ᓕᕙᐃ ᐊᒻᒪᓗ ᐊᓚᓯ ᓄᖕᖓᖅ, ᐱᖓᓱᐃᓪᓗ ᐸᓂᖏᑦ ᐃᓄᑦᔪᐊᒥᑦ ᖃᐅᓱᐃᑦᑐᒧᑦ.

ᐊᐅᓚᔨᔭᑐᐊᕐᒐ ᐃᒥᐊᕐᔪᐊᑯᕐᓱᑕ ᐊᑯᓂᐊᓗᒃ. ᐊᓈᓇᓐᓄᑦ ‘ᐊᓈᓇᒃ ᑎᑭᑉᐳᒍᑦ. ᑎᑭᒃᓴᒐᑕᕐᖁᒍᑦ’ ᓚᖃᕐᑕᓱᖓ. ᑭᓯᐊᓂ ᑲᔪᓯᒋᓪᓚᑐᐃᓐᓇᓚᖓᓱᑕ ᑕᕗᒑᓗᒃ ᖃᐅᓱᐃᑦᑐᒧᑦ. ᐅᑭᐊᑦᓴᑯᑦ ᑎᑭᑦᓴᒐᑕᕐᑐᒍᑦ 1955-ᒥ. ᑐᑭᓯᓯᒪᔭᑐᐊᒐ ᑕᑉᐸᓂᒍᖅ ᒪᖃᐃᕕᑦᓯᐊᒍᓂᕐᓴᐅᒪᑦ, ᐅᒪᔪᖃᕐᓂᓴᐅᑦᓱᓂᓗ ᐊᒻᒪᓗ ᑭᖕᖑᒪᔭᓕᒫᕗᑦ ᐱᑕᕐᑎᑕᐅᖃᑦᑕᓚᕐᓱᑕᒍᖅ ᐅᖃᐅᑦᔭᐅᓯᒪᔪᕕᓂᒃ. ᑕᐃᒪ ᑕᒪᒃᑯᓂᖓ ᐊᖏᒍᑎᖃᕐᓂᐊᓕᕐᒪᑕ. ᐃᓄᑦᔪᐊᒧᓪᓗ ᐅᑎᒍᒪᑐᐊᒍᑎᒃ ᐅᑎᒍᓐᓇᓂᒐᕐᑕᐅᓯᒪᑦᓱᑎᒃ. ᐃᒻᒪᖄ ᒪᕐᕉᖅ ᐊᕐᕋᒎᒃ ᓇᑉᐸᑏᒃ. ᐅᕙᖓᓕ, ᑕᐃᑦᓱᒪᓂ ᑲᒃᑲᓛᒍᓗᓚᐅᐱᐅᓯᒪᒐᒪ, ᑲᑉᐱᐊᓱᓐᓂᔭᖏᑦᑐᖓ ᐅᖃᒪᐃᓪᓗᔭᓐᓇᓗ ᐃᓄᒻᒪᒋᑦ ᒐᓗᐊᕐᑎᓗᑎᑦ. ᐃᓄᑦᔪᐊᓗ ᓄᓇᖓ ᐊᓕᐊᒋᑦᓱᒍ, ᑰᖏᑦ, ᑕᓯᖏᑦ, ᑭᕈᑎᖏᓐᓇᐃᑦ, ᐸᐅᖕᖓᐃᑦ, ᐊᖅᐲᑦ, ᓯᓚ ᑭᐊᑉᐸᓗᔪᖅ, ᐊᒻᒪᓗ ᐃᕕᒃᓱᑲᐃᑦ. ᑕᒪᐅᖓ ᐃᓱᒪᓚᐅᕐᓯᒪᖏᑲᓗᐊᕐᑐᖓ, ᑭᓯᐊᓂ ᓄᓇᖓ ᐊᓕᐊᒋᓪᓚᕆᑦᑕᒐ. ᑕᐃᒪ ᑕᒪᐅᖓ, ᑎᑭᓕᓚᐅᕐᓯᒪᕗᖓ, ᒪᖃᐃᒋᐊᕐᑐᓱᖓ, ᐃᖃᓗᑦᓯᐅᒋᐊᕐᓱᖓᓗ. ᐃᓄᓐᓂᓗ ᑲᑎᓯᒋᐅᒋᐊᕐᑐᓱᖓ, ᕿᒪᑦᑕᕕᓂᕐᑎᓂᑦ ᑕᐃᑦᓱᒪᓂ. ᐊᓕᐊᓱᒍᕗᖓ ᐃᓚᑦᑎᓂᑦ, ᐊᔭᒃᑯᓐᓂᑦ, ᐊᖓᑯᓂᑦ, ᖃᖏᐊᒃᑲᓂᑦ, ᖃᑕᖑᑎᓚᑲᒃᑲᓂᑦ, ᐃᓗᓐᓇᐃᓂᑦ ᖃᐅᔨᒪᒋᐊᒥᑦ.”

ᐱᓗᐳᓯ ᓄᖕᖓᖅ – ᐃᓄᑦᔪᐊᖅ, 2011