ᖃᐅᔨᒋᐊᕐᕕᐅᒍᓐᓇᑐᑦ

ᐃᖅᖃᐅᒪᕙᕋ ᑕᒃᑯᐊ ]ᓲᕐᓗ ᐃᖅᖃᒪᑦᓯᓃᑦ ᐃᓄᑦᑎᑐᑦ} ᐱᒋᐊᕐᓯᒪᔭᕗᑦ 2009 ᑭᖑᓂᐊᓂ ᐊᐅᓚᒧᔫᖅ ᓱᓕᔪᖅ ᑐᑭᒧᐊᑦᑎᓚᐅᕐᑕᒐ ᐅᑭᐅᖅᑕᑐᒥᐅᖅ ᒪᑕ ᐱᓇᓱᐊᖃᑎᖃᓱᖓ, ᐅᓂᒃᑳᑎᓪᓗᒍ ᐃᓚᒋᑦᓱᑎᒃ ᓅᑎᑕᐅᓚᕐᓯᒪᓂᖓᓂ ᐃᓄᑦᔪᐊᒥᑦ ᖃᐅᓱᐃᑦᑐᒧᑦ ᖁᑦᓯᑐᒥ.

ᐊᐅᓚᔪᖅ ᐱᐊᓂᑦᓯᒪᓕᕐᑎᓗᒍ ᓄᓇᓕᓐᓂᑦ ᓄᓇᕕᒻᒥ, ᓄᓇᕗᒻᒥᓗ ᑕᑯᔭᐅᑎᓯᒪᕙᕗᑦ. ᐊᐅᓚᔪᒥᑦ ᑕᑯᓯᒪᓕᕐᓱᑎ, ᐃᓄᐃᑦ ᐃᓚᖏᑦ ᐅᖄᒍᒪᓂᕐᑖᓯᒪᒻᒪᑕ ᐅᕙᑦᑎᓄᑦ ᐅᓂᒃᑳᓯᑦᓱᑎᓪᓗ ᑲᒃᑲᕙᒍᓂᕕᓂᕐᒥᑕ ᓅᑕᐅᓂᕕᓂᐊᓗᐃᑦ ᐊᕐᕌᒍᖏᓐᓂ. ᐊᑦᑐᑕᐅᓯᒪᔪᒍᒃ ᒫᑕᓗ ᐅᓂᑳᑐᓄᑦ ᖃᓄᒃᑲᓂᖅ ᐱᓇᓱᐊᒍᒪᓯᑦᓱᓄᐊᓪᓚᑦ. ᐅᓂᒃᑳᑕᐅᔪᐃᑦ ᐅᓂᒃᑳᑐᐃᓪᓗ ᑕᒪᐅᖓ ᐃᓂᓕᐅᓚᕿᑦᓱᒋᑦ, ᓅᑕᐅᓂᕕᓂᐊᓘᒃ ᐊᕐᓱᒍᒻᒪᒋᑦᓱᑎᒃ 1953-1955 – ᒥᓪᓗ. ᑕᓐᓇ ᐅᓂᒃᑳᑯᕕᐅᓂᐊᓕᕐᑎᓗᒍ ᑭᖑᕚᖏᓐᓄᑦ ᑐᑭᓯᓴᕐᕕᑦᓴᐅᓗᓂ, ᑕᒪᓂ ᑕᒃᑯᐊ ᐃᖅᖃᐅᒪᑦᓯᓂᑦ ᐅᖁᒪᐃᑦᑐᓂᑦ ᐃᓂᖃᓂᐊᓕᕐᑎᓗᒋᑦ ᐃᓄᐃᑦ ᐱᓂᕐᓗᕕᐅᒍᑎᒋᓯᒪᔭᖏᑦ.

ᑕᓐᓇ ᐃᓱᒪᑖᒋᓯᒪᔭᕗᑦ ᐊᕐᕌᒍᓂ ᐅᓄᕐᑑᖏᑲᓗᐊᑐᓂᑦ ᐱᓇᓱᐊᓚᐅᕐᑕᕗᑦ, ᐃᓂᓪᓚᕕᑦᓴᐅᑉ ᑭᓇᐅᔭᐃᒃᑯ ᐱᙳᑎᒐᓱᐊᕐᓱᒋᑦ. ᐃᖅᖃᐅᒪᕙᕋ ᖃᒋᑕᐅᔭᒃᑯᑦ ᐃᓂᒃ ᐅᓂᒃᑳᕕᐅᕗᖅ ᓅᑕᐅᓃᕕᓂᐊᓗᓐᓂᑦ, ᑭᓇᒃᑯᑐᐃᓐᓇᓄᓪᓗ ᑐᑭᓯᓂᐊᕐᕕᐅᒍᓐᓇᓱᓂ, ᐱᕙᓪᓕᐅᓂᐅᓯᒪᔪᓂᑦ ᓄᓇᓕᑦᑎᓂᑦ ᐅᑭᐅᕐᑕᑐᒥᑦ ᐅᓪᓗᒥᒧᑦ. ᒫᑕᕕᓕᐅᕐᑎ, ᐃᕙᓐᒋᓕᓐ ᕙ ᐹ, ᒋᓂᕕᕝ ᕙᐳᕐᔅ, ᐅᕙᖓᓗ ᑕᓐᓇ ᐊᒥᓱᓂ ᐅᒻᒪᑎᒥᐅᑕᒋᓯᒪᔭᕗᑦ, ᐅᐱᒋᑦᓱᒍ, ᐅᑉᐱᒋᑦᓱᒍᓗ ᐃᓲᖃᖏᑐᒥᑦ. ᐃᓄᐃᑦ ᐊᑑᑎᓯᒪᔭᖏᑦ, ᑲᓱᖃᑎᒋᑦᓯᒪᓂᕗᓪᓗ ᓱᓕᔪᑦ ᐃᓚᓕᐅᕐᓂᓗ ᐊᐅᖃᑎᒋᒐᓗᐊᓄᑦ ᐊᒻᒪᓗ ᐅᒻᒪᑎᑦᑎᓂᑦ ᐱᔪᓂᑦ ᓴᕐᕿᑎᑦᓯᓃᑦ ᑲᒪᓇᕐᑑᔭᕐᓯᒪᕗᑦ. ᐃᓚᓕᐅᕐᓂᑦ ᐃᑎᔪᒃᑯᑦ ᑕᕝᕗᓇ ᐱᒍᕐᓕᐅᒥᓯᒪᕗᑦ ᑕᕝᕗᓇ ᐃᖅᖃᐅᒪᕙᕋ-ᒥᑦ ᐱᓇᓱᐊᕐᓂᑯᑎᓄᑦ, ᐅᑭᐅᑕᑐᒥᑦ ᖃᓪᓗᕙᓪᓗ ᓄᓇᖓᓂᒥᐅᑦ ᐊᑯᓯᐅᑕᐅᓱᑎᒃ.

ᓱᓕᕗᖓ,
ᒫᑮᔅ ᓚᐸᒡ,
ᐱᖑᑎᑦᓯᔨ
Productions du Cerf-Volant